VOV4.Êđê- Lŏ dơ̆ng hlăm hdră mă bruă ti čar Thanh Hóa, aguah mbrue (29/8), Khua lăn čar Nguyễn Xuân Phúc kiă kriê leh klei mă bruă hŏng Êpul khua kiă kriê bruă Đảng čar Thanh Hoá. Nao mbĭt mâo k’iăng khua knŭk kna Lê Văn Thành, lehanăn phung khua kiă kriê dŭm phŭn dhar bruă. Blŭ hrăm ti anôk mă bruă anăn, Khua lăn čar bi êdah klei kruak knăl ti thŭn 2029 jing 1 êbâo thŭn mâo anăn pia Thanh Hoá. Kyuanăn, bruă Đảng, bruă sang čư̆ êa čar bi ksiêm duah, mjing klei mđĭ kyar prŏng anăp truh kơ klei bi hdơr yuôm bhăn anăn.

Khua lăn čar lač, klei Thanh Hoá đĭ kyar ară anei ka năng ôh hŏng klei jing mơ̆ng hƀuê ênuk, lehanăn hŏng djăp mta klei găl mơ̆ng čar. Khua lăn čar čang hmăng kơ čar mâo hdră êlan kjăp hĭn pioh mđĭ kyar. Boh nik, ñu lŏ mtă klei mđĭ kyar bruă duh mkra brei mđrĭng hŏng dhar kreh, lehanăn klei mtăp mđơr hlăm yang ƀuôn. Kriê pioh knhuah gru dhar kreh alŭ wăl, bi kơrŭ klei myưng m’ang djuê ana, klei êpa mhao kơ ƀuôn sang lăn čar./.

Pô mblang: Y-Khem Niê