Hlăm klei bi tuôm, dua khua gĭt gai bi mni kơ boh tŭ jăk mơ̆ng klei bi hgŭm kluôm  Việt Nam -  Mi hlăm wưng êgao. Dua tĭng tŭ ư lŏ dơ̆ng bi hgŭm kjăp kñăm ba klei bi hgŭm dua ala čar ƀrư̆ hruê đĭ kyar kơ boh êlam, boh sĭt, hơĭt kjăp, djŏ guôp hŏng klei tŭ dưn mnuih ƀuôn sang dua ala čar, đru mguôp jăk kơ klei êđăp ênang, bi hgŭm leh anăn mđĭ kyar kjăp ti krĭng wăl leh anăn dlông rŏng lăn.

 Kơ kdrêč pô, Khua mil čhil Mi bi mklă dlăng klei bi hgŭm kluôm hŏng Việt Nam; bi mni bruă klam, kơhưm ƀrư̆ đĭ mơ̆ng Việt Nam ăt msĕ mơh klei gĭr mơ̆ng Việt Nam kơ hdră mkra mlih, pŏk ƀăng, ñŭ kma, mlih mrâo bruă duh mkra. Khua gĭt gai Mi bi mklă sa ai hŏng bruă klam phŭn mơ̆ng ASEAN; bi mni kơ klei đru mguôp mơ̆ng Việt Nam kơ dŭm bruă krĭng wăl leh anăn lu ala čar.