Hŏng akŏ “Kdrông mkŏ – Anôk bruă duh mkra – Kpưn đĭ”, Klei bi kƀĭn thŭn anei mâo êbeh 20 hdră bi trông, mđing kơ dŭm bruă mâo êpul êya anôk bruă duh mkra mđing dlăng. Blŭ hrăm ti anôk bi kƀĭn, Khua lăn čar mñă, leh giăm 40 thŭn hluê ngă hdră mlih mrâo, Việt Nam dưi mâo lu boh tŭ yuôm bhăn, mâo boh tŭ hƀuê ênuk, mjing tur knơ̆ng kjăp kơ hdră mđĭ kyar lăn car čiăng mbĭt hŏng tar rŏng lăn mŭt hlăm wưng mrâo.

Anăn jing klei bhiăn, hdră mtrŭn brư̆ hruê dưi bi leh ênŭm hluê hnơ̆ng čuăn tar rŏng lăn; sa hdră duh mkra pral, ñŭ kma êlam; sa hdră kđi čar – ala ƀuôn hơĭt kjăp lehanăn dŭm ƀĭng hgŭm ala tač êngao ti djăp krĭng lăn. Dŭm boh tŭ anei dưi mâo kbiă hriê mơ̆ng hdră mtrŭn djŏ klă, kiê kngan, klei mĭn, hdră ngă bruă amâo mdei mơ̆ng jih jang mnuih ƀuôn sang, klei sa ai lehanăn hgŭm bruă mơ̆ng ƀĭng găp tar rŏng lăn”./.