Khua lăn čar Lương Cường drông čhưn leh hŏng khua kiă kriê Êpul grŭp MEBO International
Thứ sáu, 07:58, 31/10/2025
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Aguah mbrue 30/10 ti ƀuôn prŏng (Gyeongju), dôk hlăm hdră nao hlăm hrue kăm bi kƀĭn gưl dlông trông čhai duh mkra Asi – pacific (APEC) tal 32 lehanăn mă bruă dua nah ti Dhŭng Korea, Khua lăn čar Lương Cường bi tuôm leh hŏng Lý Lợi, pô mkŏ mjing êpul grŭp MEBO International ala čar China.
Ti anôk bi tuôm, Khua lăn čar Lương Cường lač Việt Nam mjing anao djăp klei găl kơ phung duh mkra ala tač êngao, hlăm anăn mâo Êpul grŭp MEBO, bi hlue ngă bi djŏ hŏng hdră êlan lehanăn klei bhiăn Việt Nam, hơĭt ai tiê duh bi liê, mă bruă tŭ jing lehanăn kjăp ti Việt Nam.
Hlăm klei bi mguôp hgŭm mbĭt jăp siam plah wah Việt Nam lehanăn China, hlăm anăn mâo bruă mdrao mgŭn, bruă mkra mjing êa drao, Khua lăn čar čang hmăng dŭm klei duh bi liê hgŭm mbĭt hŏng Việt Nam mơ̆ng êpul grŭp MEBO srăng đru bi kjăp hĭn hlăm bruă bi mguôp dua nah dua ala čar./.
Viết bình luận