Ti anôk drông, Khua lăn čar Việt Nam dlăng yuôm lehanăn čang hmăng mđĭ hĭng klei hgŭm hŏng Hungary, jing ala čar hgŭm prŏng hŏng Việt Nam ti krĭng krah ngŏ Ơrôp. Lač kơ boh tŭ dưn klei bi trông plah wah Khua bruă kƀĭn ala Việt Nam Trần Thanh Mẫn lehanăn khua bruă kƀĭn ala Hungary, Khua lăn čar Lương Cường čang hmăng kơ anôk bruă mkŏ mjing hdră bhiăn dua ala čar lŏ dơ̆ng bi kjăp, lehanăn mjing atur kơ klei bhiăn, mâo klei găl mtrŭt mđĭ klei thâo bi hgŭm plah wah dua ala čar, djŏ tui si klei tŭ dưn kơ dua nah, đru mguôp kơ bruă êđăp ênang hơĭt kjăp mđĭ kyar hlăm alŭ wăl lehanăn tar rŏng lăn.

Klei bi hgŭm lu tĭng, dua lăn čar srăng lŏ hyuă kjăp klei thâo bi đru hlăm dŭm anôk bi kƀĭn lu tĭng, boh nik hlăm Êpul hgŭm lu ala čar, hlăm klei bi kƀĭn ASEAN-EU; lehanăn mâo hdră êlan bi blŭ nanao hlăm jih jang bruă mghaih msir klei amâo mâo thâo bi djŏ, mpŭ kơ klei bhiăn tar rŏng lăn, răng mgang kjăp klei êđăp ênang hlăm grăp krĭng wăl./.