Ti anôk bi tuôm, dua nah mơăk kơ dŭm klei đĭ kyar hlăm klei bi mguôp Việt Nam - Séc hlăm lu mta bruă, hlăm klei bi đăo knang bruă kđĭ čar prŏng. Klei bi mnia mblei dua nah đĭ, djăp 2 êklai USD thŭn 2024 lehanăn 1,9 êklai USD hlăm 10 mlan thŭn 2025, ƀiădah ka năng ôh hŏng klei găl, klei dưi mơ̆ng dua ala čar.

Dua nah adôk lu klei tŭ dưn pioh klei bi mnia mblei, duh bi liê hgŭm mbĭt hlăm lu mta. Khua lăn čar  Lương Cường čang hmăng kơ anôk bruă mkŏ mjing hdră bhiăn lŏ dơ̆ng bi mguôp kjăp mjing klei bhiăn mă bruă tŭ dưn kơ dua nah, ba wĭt klei tŭ dưn yuôm bhăn kơ dua ala čar, đru mguôp kơ klei êđăp ênang, hơĭt kjăp, hgŭm mbĭt lehanăn mđĭ kyar ti alŭ wăl lehanăn tar rŏng lăn./.