Khua adŭ brua Khua lăn čar brei thâo, hlăm mlan 3, ti gŭ klei gĭt gai mơ̆ng Khua lăn čar leh anăn k’iăng Khua lăn čar, adŭ bruă čŏng pô, ktang phĭt hluê ngă kluôm dhuôm dŭm bruă klam, đru mguôp tŭ dưn klei ngă bruă mơ̆ng khua gĭt gai Knŭk kna hlăm dŭm mta bruă.

Blŭ bi klă hlăm klei kƀĭn, Khua lăn čar Lương Cường čih yap dŭm boh tŭ dưn mơ̆ng adŭ bruă Khua lăn čar dưi mâo leh hlăm wưng êgao, mñă ktang adŭ bruă dưi bi lar ai tiê bruă klam, čŏng pô, mbruă, đru mguôp yuôm bhăn hlăm bruă hluê ngă bruă klam mbĭt mơ̆ng khua gĭt gai Knŭk kna. Bơ̆k bâo kơ bruă klam hlăm wưng kơ anăp, Khua lăn čar mñă kơ adŭ bruă lŏ dơ̆ng mđĭ hnơ̆ng bruă klei ksiêm duah, đru kčĕ, bi kƀĭn, čŏng mprăp jăk dŭm mta phŭn, hră mơar đru kơ dŭm klei kƀĭn mơ̆ng khua gĭt gai kmeh gơ̆ng, Phŭn bruă kđi čar, Êpul khua bruă Đảng leh anăn dŭm hdră bruă hluê si hdră mă bruă.