Khua lăn čar Lương Cường kiă kriê klei bi kƀĭn adŭ bruă khua lăn čar
Thứ tư, 10:31, 26/11/2025
VOV TAYNGUYEN
VOV TAYNGUYEN
VOV.Êđê- Tlam mbrue 25/11, ti anôk bruă khua lăn čar, Khua lăn čar Lương Cường kiă kriê leh klei bi kƀĭn kơ bruă grăp tuôr adŭ bruă khua lăn čar ksiêm wĭt bruă hlăm wưng leh êgao, hlue ngă bruă hlăm wưng tinăp.
Blŭ hrăm ti anôk bi kƀĭn, Khua lăn čar Lương Cường mñă, ară anei knŏng adôk mă êbeh 1 mlan jih yơh thŭn 2025, hlăm wưng bhiâo đuič, bruă knuă dôk lu. Kyuanăn, adŭ bruă khua lăn čar bi lŏ gĭr hĭn, ngă bi kjăp lu bruă, mghaih msir jih jang bruă djŏ hdră êlan. Lehanăn lŏ mđĭ hĭn bruă klam, bi hgŭm hŏng djăp êpul êya păn kjăp bruă knuă kăp đru kčĕ, amâo mâo sa mta bruă dôk gun kpăk, wăt hlăm dŭm bruă mrâo lehanăn bruă mjêč.
Mbĭt hŏng anăn, adŭ bruă khua lăn čar mđing kiă kriê klei bi klin jih jang bruă hlăm thŭn 2025, hlue ngă bruă knuă kơ thŭn 2026; hlăm anăn ksiêm wĭt boh leh mâo ngă, lehanăn dŭm klei klei awăt kƀah, čiăng lŏ mkŏ mjing hdră mă bruă hlăm wưng tinăp jăk hĭn./.
Viết bình luận