Hlăm klei bi klă, grăp čô anăn mâo leh boh tŭ dưn êdah êdi êjai ngă bruă klam hriăm mblah, đru hlăm bruă mkŏ mjing yang ƀuôn ngă phŭn leh anăn răng mgang lăn čar. Êlâo kơnăn, hruê 5/12, k’iăng Khua knŭk kna Nguyễn Hoà Bình siñê leh klei bi klă Mđup brei hră Lăn čar tŭ yap kơ 12 djiê êngiă êjai ngă bruă klam hriăm mblah mơ̆ng kahan alŭ wăl 7.

Leh mâo klei anei, knơ̆ng gĭt gai lĭng kahan alŭ wăl 7 hmao gĭt gai dŭm anôk bruă djŏ tuôm bi mguôp kjăp hŏng gưl bruă Đảng nah gŭ, bruă sang čư̆ êa alŭ wăl mjêč ngă bruă ksiêm dlăng anôk mâo klei truh, tui duah, bi kƀĭn, mbĭt anăn ngă jăk bruă bi hơĭt, čung ba mnuih ƀuôn sang, uêñ mĭn, bi juh, mđĭ ai dŭm gŏ sang mâo phung lĭng kahan djiê êngiă.