Gưl nao čhưn mkŏ mjing hlăm wưng klei bi hgŭm, bi mguôp jăk siam leh anăn bi mguôp hdră êlan kluôm dhuôm dua lăn čar  plah wah Việt Nam – Lào dôk đĭ kyar jăk siam, dua tĭng mñă klă klei mĭn mđĭ hĭn klei mjĕ giăm bi hgŭm, bi mguôp kluôm dhuôm Việt Nam – Lào hlăm wưng mrâo, găl guôp hŏng boh sĭt mơ̆ng grăp lăn čar.

Hlăm gưl nao čhưn, Khua lăn čar Lương Cường mâo leh klei blŭ hrăm hŏng Khua gĭt gai Đảng, khua lăn čar Lào Thongloun Sisoulith, blŭ hrăm hŏng Khua Bruă Kƀĭn Ala Saysomphone Phomvihane leh anăn Khua knŭk kna Sonexay Siphandone. Hlăm dŭm klei blŭ hrăm, bi tuôm, dua tĭng bi trông leh anăn tŭ ư hŏng dŭm hdră tă prŏng mđĭ kyar klei mjĕ giăm dua tĭng hlăm wưng kơ anăp, hlăm anăn tŭ ư bi kjăp klei mjĕ giăm bruă kđi čar, bi mguôp, rơ̆ng kơ dŭm gưl nao čhưn, bi tuôm gưl dlông leh anăn dŭm gưl jêñ jêñ, bi myuôm klei mjĕ mjuk mnuih ƀuôn sang dua ala čar hŏng lu hdră mdê mdê.