Hlăm hră mâo kdrêč: “Knăm mơak mlan pur mơ̆ng sui jing leh klei jăk siam amâo dưi kƀah hlăm klei dhar kreh mnuih Việt Nam. Anei jing gưl čiăng kơ phung anak čô hlăp lêñ, bi kuh kŭm ênŭm ênap gŏ sang leh anăn ƀĭng găp. Đảng, Knŭk kna leh anăn jih jang ala ƀuôn mâo klei mđing uêñ kơ phung anak čô, mjing klei găl jăk kơ phung anak čô dưi hriăm mjuăt, hlăp lêñ êđăp ênang leh anăn đĭ kyar kluôm. 

Kâo čang hmăng diih krơ̆ng kjăp ai tiê kriăng hriăm, bi hgŭm, bi khăp leh anăn bi kah mbha, bi đru đĭ kyar, hrăm mbĭt hriê kơ prŏng, čiăng mguôp ai tiê mkŏ mjing lăn čar Việt Nam khăp hơiêng drei ƀrư̆ jăk siam. Ƀri gưl knăm mơak mlan pur 2025, kâo mơĭt kơ jih jang diih klei čang hmăng, klei khăp. Hơêč hmưi kơ diih drông sa yan mlan pur jăk mơak, êđăp ênang hŏng gŏ sang, nai mtô leh anăn ƀĭng găp. Kâo čang hmăng kơ phung hđeh amâo myun, ti krĭng êa lip srăng gĭr, amâo kdŭn kơ klei dleh dlan, brei krơ̆ng nanao klei tlao mơak, kuč klei čang hmăng jăk siam, čiăng kơ êdei kơ gưl êa lip lêč lŏ bŏ hŏng klei mngač leh anăn klei mơak!”