Khua lăn čar Lương Cường nao hlăm Klei bi kƀĭn gưl dlông APEC bi mguôp hŏng nao čhưn ti Dhŭng Korea tal anei jing klei yuôm bhăn, bi êdah klei sa ai hĭng ala čar mkŏ mjing APEC đru mđĭ klei bi hgŭm kluôm Việt Nam - Dhŭng Korea. Mbĭt anăn lŏ dơ̆ng bi mklă klei đru mguôp jăk, đua klam mơ̆ng Việt Nam hlăm klei msir mgaih dŭm bruă krĭng wăl leh anăn dlông rŏng lăn, boh nik klei mđĭ bi hgŭm bruă duh mkra lu ala čar, mjing boh kdrŭt mrâo kơ klei  đĭ kyar krĭng wăl.

Việt Nam srăng mkŏ mjing thŭn APEC 2027, klei anei dưi dlăng jing gưl čiăng kơ Việt Nam mđĭ pŏk ngă Hnơ̆ng trah dlăng APEC truh thŭn 2040 mơ̆ng Việt Nam pŏk ngă leh anăn hgŭm mkŏ mjing hŏng dŭm ala čar mơ̆ng thŭn 2017. Mbĭt anăn jing klei găl kơ ala čar drei hưn mdah rup ala čar mlih mrâo, pral kdal, đĭ kyar ktang; mơ̆ng anăn mđĭ bruă hŏng tač êngao kơ klei duh mkra leh anăn dhar kreh, mđĭ kơhưm hlăm krĭng wăl leh anăn lu ala čar.