Blŭ hrăm hruê knăm, Khua lăn čar Lương Cường lač klă ai ktang mơ̆ng klei bi mguôp, klei čŏng pô mâo mnuih ƀuôn sang, lĭng kahan ti gŭ klei gĭt gai mơ̆ng Đảng, găn jih klei dleh dlan, klei lông dlăng, dưi hŏng phung roh, hluh hlir lăn čar leh anăn dưi mâo dŭm boh tŭ dưn prŏng prĭn, mâo boh tŭ dưn hƀuê ênuk hlăm 40 thŭn mlih mrâo, čiăng kơ lăn čar mâo ai dưi leh anăn kơhưm tar rŏng lăn msĕ ară anei.

Hŏng knhuah gru kjăp ktang, thâo khăp, ai tiê bi mguôp dưi ksul mbŭ, kriê pioh leh anăn lŏ čuê kơ dŭm ênuk gưl  mnuih ƀuôn sang Bảo An leh anăn 16 alŭ mơ̆ng ƀuôn hgŭm Gò Nổi, mbĭt hŏng klei gĭr bruă bruă Đảng nah gŭ, Bruă sang čư̆ êa, mặt trận dŭm gưl, Khua lăn čar đăo knang dŭm alŭ ti ƀuôn hgŭm Gò Nổi srăng lŏ dơ̆ng bi lar ktang, jing gru mngač hlăm bruă mkŏ mkra krĭng ƀuôn sang mrâo, alŭ wăl mrâo mrang, êđăp ênang leh anăn yâo mơak.