Blŭ ti anôk bi kƀĭn, Khua lăn čar Lương Cường bi mni lehanăn hơêč hmưi kơ dŭm boh tŭ mơ̆ng Anôk bruă Đảng kahan gưl dlông, Phŭn bruă Lĭng kahan lehanăn phung knuă druh, lĭng kahan, mnuih mă bruă hlăm kluôm anôk bruă lĭng kahan thŭn 2024. Tŭ ư hŏng dŭm bruă klam, hdră msir mâo ba mdah, Khua lăn čar mtă kơ Anôk bruă Đảng kahan gưl dlông, Phŭn bruă Lĭng kahan lŏ dơ̆ng hluê ngă kjăp bruă klam, hluê ngă kjăp hdră đru kčĕ hŏng Đảng, Knŭk kna hlăm hdră lĭng kahan, pral kdal, mđĭ klei thâo ksiêm hriăm, hâo mdah, đăo tĭng, mâo hdră msir mghaih pral, tŭ dưn dŭm klei mâo, amâo mâo kdjăt kƀla, kriê kjăp wăl anôk êđăp ênang, hơĭt kjăp čiăng mkŏ mkra, mđĭ kyar ala čar.

Khua lăn čar mtă kluôm anôk bruă lĭng kahan hluê ngă kjăp hdră êlan bruă lĭng kahan, răng mgang mnuih ƀuôn sang, răng mgang ala čar hlăm boh klei mrâo, hlăm anăn “Mnuih ƀuôn sang jing phŭn”. Mbĭt anăn, hluê ngă kjăp hdră mtrŭn bi mguôp bruă lĭng kahan hŏng hdră duh mkra, hdră duh mkra hŏng lĭng kahan, ksiêm hriăm, mkra mlih hdră mtrŭn djŏ guôp hŏng bruă mkŏ mjing Anôk bruă lĭng kahan hlăm boh klei mrâo./.