Anôk bruă sang čư̆ êa čar Kon Tum mtă kơ dŭm knơ̆ng, dhar bruă, alŭ wăl pŏk ngă mjêč bruă čih mkra Hdră mkŏ dăp, bi khuăt anôk bruă kñăm hluê ngă bruă tŭ dưn. Klă klơ̆ng, Kon Tum krơ̆ng kjăp 5 knơ̆ng bruă, mâo: Knơ̆ng bruă Hdră bhiăn, Knơ̆ng bruă Dhar kreh Mjuăt ktang asei mlei lehanăn Hiu čhưn ênguê, Knơ̆ng bruă ksiêm dlăng čar; Adŭ bruă Anôk bruă sang čư̆ êa čar lehanăn Knơ̆ng bruă hŏng tač êngao. Hŏng dŭm êpul anei hluê ngă hdră bi khuăt anôk bruă, hlăm grăp anôk bruă srăng hrŏ ƀiă êdi 15%.

Kon Tum hluê ngă hdră bi mŭt mbĭt Knơ̆ng bruă Hdră kčah – Duh bi liê hŏng Knơ̆ng bruă Ngăn prăk jing Knơ̆ng bruă Duh mkra – Ngăn prăk; Bi mguôp Knơ̆ng bruă Êlan klông dŭ mdiăng lehanăn Knơ̆ng bruă rŭ mdơ̆ng jing Knơ̆ng bruă Rŭ mdơ̆ng lehanăn Êlan klông, bi mguôp Knơ̆ng bruă Ngăn dŏ wăl hdĭp mda hŏng Knơ̆ng bruă Lŏ hma mđĭ kyar krĭng ƀuôn sang jing Knơ̆ng bruă Lŏ hma lehanăn Wăl hdĭp mda, bi mguôp Knơ̆ng bruă Hâo hưn lehanăn Mtô mblang hŏng Knơ̆ng bruă Kreh knhâo, kdrăp mrâo jing Knơ̆ng bruă Kreh knhâo, kdrăp mrâo lehanăn hâo hưn, Bi mguôp Knơ̆ng ksiêm dlăng mnuih mă bruă hŏng Knơ̆ng bruă Mnuih ngă bruă, kahan êka êkeh – yang ƀuôn jing Knơ̆ng bruă ksiêm dlăng mnuih mă bruă lehanăn hdră ngă bruă.