Hluê si klei hưn mdah ksiêm wĭt hluê ngă hdră mtrŭn mrô 18, čar Dak Lak ngă leh lu klei bi hmô, msĕ si bi mguôp bruă păn Khua êpul čung ba mnuih ƀuôn sang leh anăn Khua dhar bruă mặt trận čar, bi kƀĭn bruă Đảng dŭm anôk bruă leh anăn Bruă đảng dŭm knơ̆ng bruă čar.

Čar bi hrŏ leh 10% mnuih mă bruă knŭk kna mkă hŏng thŭn 2015, bi hrŏ 30 adŭ bruă, anôk bruă hlăm dŭm knơ̆ng bruă, mbĭt anăn bi hrŏ 40 adŭ bruă leh anăn dŭm anôk bruă. Hlăm wưng kơ anăp, Dak Lak srăng lŏ dơ̆ng hluê ngă dŭm hdră êlan bi mklin, bi mŭt đa đa knơ̆ng, dhar bruă, kñăm bi hrŏ anôk bruă leh anăn mđĭ hnơ̆ng bruă kriê dlăng. Khua bruă Đảng čar Dak Lak Nguyễn Đình Trung lač klă, bruă mkŏ dăp, bi khuăt mnuih mă bruă ăt čiăng rơ̆ng kơ klei kreh knhâo, găl guôp hŏng boh sĭt, mbĭt anăn mđĭ hnơ̆ng tŭ jăk bruă knuă druh.