Khua lăn čar Lương Cường nao ti knăm bi hdơr 50 thŭn hrue mkŏ mjing lăn čar
Thứ sáu, 10:17, 28/11/2025
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Hrue mbrue (27/11), ti Hà Nội, Đảng, knŭk kna mkŏ mjing knăm bi hdơr 50 thŭn hrue mkŏ mjing lăn čar Lào (2/12/1975-2/12/2025) lehanăn 105 thŭn hrue kkiêng kơ khua gĭt gai Kaysone Phomvihane (13/12/1920-13/12/2025).
Bi ala kơ Đảng, Knŭk kna lehanăn mnuih ƀuôn sang Việt Nam, Khua lăn čar hơêč hmưi lehanăn bi mni kơ dŭm boh tŭ dưn yuôm bhăn Đảng, Knŭk kna lehanăn mnuih ƀuôn sang Lào mâo leh hlăm 50 thŭn êgao. Bi êdah klă klei bi mguôp kjăp plah wah Việt Nam - Lào, Lào - Việt Nam mâo leh khua gĭt gai Hồ Chí Minh, Khua gĭt gai Kaysone Phomvihane lehanăn khua lăn čar Souphanouvong mjing leh atur knơ̆ng kjăp, mâo leh dŭm gưl phung khua kiă kriê, lehanăn mnuih ƀuôn sang dua ala čar ksul mbŭ rŭ mdơ̆ng.
Khua lăn čar lač, anei klă sĭt jing ngăn dưn yuôm bhăn, jing klei bi mguôp hlăm klei thâo bi jưh knang kjăp mơ̆ng dŭm gưl truh kơ ară anei, lehanăn mjing leh sa klei bi mguôp prŏng kluôm dhuôm kơ dua ala čar./.
Viết bình luận