Blŭ hrăm ti knăm anei, Khua lăn čar Lương Cường ksiêk kjăp klei mĭn lĭng kahan mơ̆ng Hồ Chí Minh, dŭm hdră êlan mtrŭn mơ̆ng Đảng, boh nik hdră lĭng kahan, răng mgang klei êđăp ênang, hdră hŏng tač êngao lehanăn Hdră êlan răng mgang Ala čar hlăm boh klei mrâo; mkŏ mjing êpul kahan djă phao ktuang hlăm Wăl anôk kahan krĭng jiă knhuah cách mạng, thâo, knhâo, mrâo mrang.

Khua lăn čar đăo knang jih jang êpul kahan, knuă druh, mnuih mă bruă hlăm Êpul kahan djă phao ktuang Kahan krĭng 3 srăng krơ̆ng kjăp lehanăn mđĭ lar knhuah gru kdrưh kơăm “Hgŭm mguôp, mĭn mrâo, pral kdal, săn asei, tŭ dưi”, gĭr bi leh jih bruă klam mâo jao, đru mguôp hŏng kluôm Đảng, jih jang mnuih ƀuôn sang, kluôm lĭng kahan răng mgang kjăp Ala čar Việt Nam yang ƀuôn ngă phŭn êngiê, ba lăn čar drei mŭt hlăm wưng mrâo – wưng đĭ kyar sah mdrŏng mơ̆ng djuê ana Việt Nam.

Ti knăm anei, Khua lăn čar Lương Cường jao leh Medai răng mgang Ala čar mrô sa kơ Kahan krĭng 3, Phŭn bruă lĭng kahan./.