VOV4.Êđê -  Tlam mbrue (21/7), ti anôk bruă khua lăn čar, Khua lăn čar Nguyễn Xuân Phúc, Khua êpul kiă kriê bruă mkŏ mjing “Hdră êlan mkŏ mjing lehanăn bi leh knŭk kna hlue klei bhiăn yang ƀuôn ngă phŭn truh kơ thŭn 2030, tă êlan truh kơ thŭn 2045, kiă kriê mmông mă bruă hŏng Dhar bruă kiă kriê bruă knuă gưl dlông, lehanăn êpul phung čih mkra, phung knhăk, phung kreh knhâo kơ bruă bi leh hdră êlan anei.

Blŭ gĭt gai anôk mă bruă, Khua lăn čar bi myuôm êpul ngă bruă hŏng klei kreh knhâo, djŏ tui si klei bhiăn, klei êngiê, lehanăn klei klă mngač kơ jih jang hdră êlan. Kơ dŭm mta mrâo mâo bơ̆k bâo hlăm klei čih mkra hdră êlan, Khua lăn čar mñă, lŏ hlak mblang bi mngač, hŏng klei mĭn kjăp. Jih jang hră mơar mâo ngă hŏng klei mngač, kjăp djŏ hŏng klei bhiăn, lehanăn bruă kđi čar. Khua lăn čar mtă kơ Êpul čih mkra bi mkŏ mjing hdră ngă bruă hrui mă klei blŭ đru mguôp ti anôk mă bruă, pral lŏ ksiêm dlăng, thiăm mbŏ hdră êlan kñăm lŏ mă klei blŭ ti anôk bi kƀĭn Êpul khua kiă kriê./.

Y-Khem pô mblang