VOV4.Êđê- Tlam mbruê, Khua lăn čar Nguyễn Xuân Phúc mâo leh mmông mă bruă hŏng êpul čih mkra hdră êlan mkŏ mjing ala čar yang ƀuôn ngă phŭn Việt Nam truh ti thŭn 2030, hdră tă truh thŭn 2045. Blŭ hlăm mmông mă bruă, Khua lăn čar yap yuôm bhăn klei gĭr ktưn leh anăn bruă klam mơ̆ng êpul čih mkra hdră êlan, dŭm hră mơar čiăng djăp ênŭm hnơ̆ng čoh čuăn kơ mta phŭn, klei ngă bruă mơ̆ng êpul gĭt gai bi êdah leh, Khua lăn čar mtă kơ êpul čih mkra lŏ dơ̆ng bi lar boh tŭ klei ksiêm duah mơ̆ng dŭm anôk bruă, klei blŭ mơ̆ng êpul gĭt gai čiăng bi leh hdră mkăp.

Hlăm anăn, kñăm bi klă mta phŭn mơ̆ng hdră mkăp, bi klă hĭn dŭm mta kñăm, bruă klam leh anăn hdră tă mơ̆ng ară anei truh ti thŭn 2030 leh anăn mơ̆ng thŭn 2030 truh ti thŭn 2045, mñă klă klei gĭt gai mơ̆ng Đảng, hdră tă yang ƀuôn ngă phŭn, bruă klam jing phŭn mơ̆ng mnuih ƀuôn sang hlăm bruă mkŏ mjing, bi kluôm êmŭm ala čar yang ƀuôn ngă phŭn Việt Nam.

Pô mblang: Y-Ƀel Êban