VOV4.Êđê- Aguah 5/4, ti Anôk bruă khua lăn čar, Khua lăn čar Nguyễn Xuân Phúc mă bruă hŏng Êpul hgŭm gru bi kal hrah Việt Nam kơ bruă pŏk ngă Mlan đru kơ mnuih knap mñai 2022. Thŭn anei, Êpul hgŭm gru bi kal hrah Việt Nam mkŏ mjing Hdră kčah mlan đru kơ mnuih mñai 2022 hŏng akŏ: bi mguôp êpul êya - bi lar  bruă ngă đru kơ mnuih knap mñai” hŏng dŭm bruă ngă msĕ si: pŏk ngă klei iêô jak klei găl kyua hdră kñăm đru kơ mnuih knap mñai; mđĭ ktang bruă hâo hưn dŭm ênoh yuôm đru kơ mnuih knap mñai leh anăn bruă ngă Êpul hgŭm gru bi kal hrah; mđĭ ktang dŭm bruă đru kơ mnuih knap mñai hlăm êpul êya, ktuê dlăng, ksiêm dlăng leh anăn kčĕ dŭm klei bhiăn, hdră êlan djŏ tuôm kơ bruă đru kơ mnuih kñap mñai leh anăn êpul hgŭm.

Gĭt gai hlăm mmông mă bruă, Khua lăn čar Nguyễn Xuân Phúc tŭ ư bruă mkŏ mjing Knăm pŏk ngă mlan đru kơ mnuih knap mñai gưl ala čar thŭn 2022  hluê si klei kčĕ mơ̆ng Êpul hgŭm leh anăn tŭ ư bruă pŏk ngă ksiêm wĭt Asăp mtrŭn mrô 18 thŭn 2018 mơ̆ng Khua Knŭk kna kơ klei mđĭ boh tŭ dưn đru kơ mnuih knap mñai leh anăn bruă ngă mơ̆ng êpul hgŭm gru bi klah hrah hlăm boh klei mrâo.

Pô mblang: H’Zawut Ƀuôn Yă