VOV4.Êđê - Tlam mbrue (2/8), Khua lăn čar Nguyễn Xuân Phúc mă leh bruă hŏng phung khua kiă kriê čar Đồng Nai. Leh phung khua kiă kriê dŭm phŭn dhar bruă mâo klei blŭ, blŭ hrăm ti anôk mă bruă, Khua lăn čar Nguyễn Xuân Phúc mñă bruă klam mơ̆ng Đồng Nai, lehanăn lač tuh tia mkra mjing hlăm ala čar srăng êmưt hĕ, tơdah kƀah bruă klam mơ̆ng Đồng Nai, jing alŭ wăl duh mkra prŏng nah Dhŭng. Khua lăn čar mtă kơ Đồng Nai bi tui duah dŭm boh kdrŭt mrâo, kñăm mđĭ kyar bruă duh mkra kñăm ba akŏ hlăm krĭng.

Čar mdưm bruă duh mkra êngao knŭk kna hlăm ala čar, lehanăn klei bi hgŭm djŏ anôk, djŏ bruă, mjing djăp klei găl dưn yua jih ai tiê klei mĭn, mâo ai dưi bluh đĭ djŏ hŏng hdră mtrŭn mơ̆ng Đảng kơ klei mđĭ kyar. Kyuanăn, Đồng Nai bi mlih mrâo klei mĭn, hdră êlan mă bruă hlŏng jing klei ling lang prŏng mđĭ kyar bruă duh mkra hŏng dŭm alŭ wăl riêng gah, msĕ si Bình Phước, Bình Thuận, Lâm Đồng, amâo mâo djŏ knŏng jưh knang hjăn kơ ƀuôn prŏng Hồ Chí Minh ôh./.

Y-Khem pô mblang