Hlăm knăm anăn, Khua lăn čar mñă ktang, anei jing wưng lŏ sa blư̆ mñă klă dŭm klei đru mguôp prŏng prĭn mơ̆ng dŭm gưl knuă druh, lĭng kahan knông lăn leh anăn bruă klam mơ̆ng mnuih ƀuôn sang hlăm bruă răng mgang klei dưi kiă kriê, klei êđăp ênang knông lăn ala čar, bi lar ai ktang mơ̆ng djuê ana kơ bruă mkŏ mjing leh anăn răng mgang lăn čar Việt Nam.

Bi ala kơ khua gĭt gai Đảng, knŭk kna, Khua lăn čar Võ Văn Thưởng mtruh brei mêdai tŭ dưi mrô 2 leh anăn mâo klei hơêč hmưi jăk siam hĭn kơ dŭm gưl phung lĭng kahan knông lăn. Khua lăn čar mñă kơ lĭng kahan knông lăn, dŭm gưl, dhar bruă, boh nik jing dŭm alŭ wăl mâo thâo klă, đăo knăl djŏ, boh nik boh sĭt êngao knông lăn djŏ tuôm hŏng bruă răng mgang knông lăn, čŏng pô mâo hdră êlan mgaih msir djŏ guôp. Mtrŭt mđĭ bruă hâo hưn, mtô bi hriăm, mđĭ klei thâo săng, bruă klam, hŏng bruă klam răng mgang klei dưi kiă kriê lăn čar, klei êđăp ênang lăn čar, boh nik jing dŭm alŭ wăl knông lăn, plao ksĭ./.