VOV4.Êđê- Ƀri hlăm wưng tết nguyên đán Nhâm Dần 2022, Khua lăn čar Nguyễn Xuân Phúc djă akŏ êpul ngă bruă mơ̆ng Đảng, knŭk kna, bruă mặt trận čar kwar gưl dlông Việt Nam, mđup brei mnơ̆ng tết truh kơ 55 gŏ êsei bi ala kơ dŭm gŏ êsei knŭk kna dlăng ba, gŏ êsei ƀun, mnuih mă bruă dôk hlăm klei dleh dlan, mnuih djŏ êa drao ruă diosin hlăm ƀuôn prŏng Đà Nẵng.

Ti anôk nao čuă, Khua lăn čar brei thâo, hlăm wưng Tết anei, Phŭn bruă kđi čar, bruă Đảng gưl dlông, dŭm anôk bruă gưl dlông mâo leh asăp mtrŭn truh hŏng bruă sang čư̆ êa djăp alŭ wăl kluôm ala mghaih msir lu mta bruă đru phung ƀuôn sang drông tết hlăm klei êđăp ênang, čiăng kơ jih jang mnuih, grăp boh sang mâo tết sơăi. Hlue si hdră mtrŭn mơ̆ng knŭk kna, Khua lăn čar bi klă leh ênoh đru tết mơ̆ng 300 – 600 êbâo prăk kơ grăp gŏ êsei knŭk kna dlăng ba. Mbĭt hŏng anăn, ƀuôn prŏng Đà Nẵng ăt iêo mkrum mâo lehanăn bi liê truh dŭm pluh êklai prăk đru kơ dŭm gŏ êsei ƀun./.

Pô mblang: Y-Khem Niê