VOV4.Êđê- Ƀri knăm mơak mlan pŭr, Khua lăn čar Nguyễn Xuân Phúc mơĭt leh hră kơ phung hđeh. Hlăm hră, Khua lăn čar mâo klei hơêč hmưi kơ jih jang hđeh êlăk Việt Nam sa knăm mơak mlan pŭr h’uh mđao hŏng găp djuê pô, mâo klei khăp hŏng phung hđeh dôk hlăm klei dleh dlan, amâo myun mbhă hlăm klei hdĭp, dưi dưn sa klei mơak mlan pŭr jăk siam.

Khua lăn čar čang hmăng kơ jih jang phung hđeh hlăm kluôm ala mâo nanao ai tiê jăk mơak, mâo klei thâo gĭr hlăm klei hriăm hră mơar lehanăn hlăm klei hdĭp. Lehanăn mtă kơ grăp gŏ sang, djăp gưl dŭm knơ̆ng dhar bruă jih jang yang ƀuôn, hŏng bruă klam, klei khăp lŏ dơ̆ng ngă lu bruă duh kơ phung hđeh dôk hlăm klei dleh dlan krĭng taih kbưi, knông lăn mâo sa knăm mơak mlan pŭr h’uh mđao êđăp ênang./.

         Pô mblang: Y-Khem Niê