VOV4.Êđê - Hlăm hdră mă bruă ti Quảng Nam, Khua lăn čar Nguyễn Xuân Phúc nao lehanăn blŭ hrăm ti anôk trông čhai Mđĭ bruă pla sâm Ngọc Linh maoa anăn knăl ala čar. Blŭ hrăm ti anôk trông čhai, Khua lăn čar lŏ sa blư̆ mña klei đăo knang dưi yap jing ngăn dŏ yuôm mơ̆ng sâm Ngọc Linh, srăng jing hdră êlan duah ƀơ̆ng prŏng kơ lăn čar, jing ngăn dŏ čang hmăng mrâo mơ̆ng Việt Nam halwm bruă êa drao. Hong klei găl dôk mâo, kơ klei mnia mbei, kơ ênoh tŭ dưn mơ̆ng Sâm Ngọc Linh, Khua lăn čar lač, Việt Nam srăng mđĭ kyar jing mta bruă tuh tia mkra mjing prŏng hlăm klei pla lehanăn mkra mjing Sâm Ngọc Linh Việt Nam, hŏng ênoh knăm kơ êklei dolar mkra mjing lehanăn čhĭ mnia kơ ala tač êngao hlăm dŭm pluh thŭn kơ anăp. Čiwng dưi bi sĭt klei anei, Khua lăn čar lač, bi maoa hdră êlan đru mơ̆ng knŭk kna, dŭm phŭn dhar bruă lehanăn djăp alŭ wăl, mbĭt hŏng phung duh mkra. Khua lăn čar mñă năng mđĭ kyar anăn knăl sâm Ngọc Linh mâo anăn knăl ala čar amâo mâo djŏ knŏng sa kdrêč kơ mnơ̆ng mâo hlăm bruă mkra mjing mơ̆ng phung duh mkra ôh./.

Y-Khem pô mblang