Khua lăn čar nao čhưn, h’êč hmưi têt mnuih mă bruă ti Pra ktir ti êa ksĭ
Thứ bảy, 09:35, 27/01/2024
VOV Tây Nguyên
VOV Tây Nguyên
VOV4.Êđê- Lŏ dơ̆ng hdră nao čhưn, h’êč hmưi Têt djuê ana Giáp Thìn 2024, aguah hruê 26/1, mơ̆ng ƀuôn prŏng Vũng Tàu, Khua lăn čar Võ văn Thưởng lehanăn Êpul mă bruă đĭ leh êdeh phiơr dakwak nai ti Pra ktir phŭn mơ̆ng Anôk bruă Cửu Long (Cửu Long JOC), nao čhưn, h’êč hmưi Têt, mă bruă hŏng phung knuă druh dôk mă bruă ti pra ktir, phung bi ala kơ êbeh 6 pluh êbâo čô knuă druh, mnuih mă bruă êa pui êwa čuh.
Leh hmư̆ klei hưn, Khua lăn čar Võ Văn Thưởng m’ĭt leh kơ jih jang knuă druh, mnuih mă bruă ti Cửu Long JOC lehanăn kluôm anôk bruă êa pui êwa čuh asăp čuă êmuh, h’êč hmưi thŭn bhang mrâo jăk siam. Hŏng 415 êklăk tônô mâo kuai mă, Khua lăn čar bi mni Cửu Long JOC mâo leh klei đru mguôp yuôm bhăn kơ anôk bruă êa pui êwa čuh lehanăn ngăn prăk ala čar.
Mñă klă, hdră tui ksiêm lehanăn kuai mă êa pui êwa čuh jing bruă yuôm bhăn, Khua lăn čar mtă kơ phung knuă druh, đảng viên mnuih mă bruă brei rơ̆ng kjăp hdră mđĭ kyar anôk bruă mguôp hŏng bruă răng mgang klei êđăp ênang ala čar mbĭt anăn brei rơ̆ng klei êđăp ênang ala čar mguôp hŏng hdră mđĭ kyar bruă duh mkra./.
Viết bình luận