VOV4.Êđê - Hlăm anôk bi kƀĭn tui duah klei duh bi liê hlăm dŭm kdriêk Củ Chi, lehanăn Hoc Môn, ƀuôn prŏng Hồ Chí Minh, aguah mbrue (12/4), Khua lăn čar Nguyễn Xuân Phúc nao čuă leh alŭ wăl pla mjing hŏng kdrăp mrâo mrang ti ƀuôn prŏng Hồ Chí Minh.

Leh nao čuă dŭm anôk anăn, Khua lăn čar bi myuôm alŭ wăl pla mjing gĭr leh bi mâo klei tŭ dưn hlăm bruă knuă, hŏng kdrăp mrâo mrang, jing leh bruă yuôm bhăn čiăng mđĭ kyar bruă lŏ hma pla mjing hlăm krĭng Ngŏ kwar Dhŭng, lehanăn krĭn Yŭ kwar Dhŭng. Khua lăn čar lač, alŭ wăl pla mjing hŏng hdră mrâo mrang ti ƀuôn prŏng Hồ Chí Minh anei jing leh sa hlăm dŭm anôk mđĭ kyar hŏng hdră mrâo mrang kluôm ala mâo hdră êlan mđĭ kyar prŏng hĭn, ba anăp klăm klei pla mjing, rông hdang kan, bi găl guôp hŏng klei bi mlih yan adiê, klei pla mjing hlăm ƀuôn prŏng. Ti nei ba yua kdrăp mrâo mrang hlăm klei rông hdang, lehanăn lu bruă mkăn, đru hlăm klei mjuăt bi hriăm bruă knuă, hlăm klei ba yua kdrăp ênuk mrâo./.

Y-Khem pô mblang