VOV4.Êđê- Ƀri bi hdơr 81 thŭn Hrue knhuah gru Mnuih khua thŭn Việt Nam (6/6), aguah mbrue (5/6), Khua lăn čar Nguyễn Xuân Phúc nao čuă lehanăn mđup brei leh mnơ̆ng kơ mnuih khua thŭn dŭm anôk thâo bi hmô jăk mnuih khua thŭn duh ƀơ̆ng mbruă hlăm Êpul hgŭm Tân Minh Đức, să Phạm Trấn, kdriêk Gia Lộc, čar Hải Dương; nao čuă mđup brei mnơ̆ng kơ mnuih khua thŭn čar Hải Dương, lehanăn nâo čuă mđup brei mnơ̆ng kơ phung ƀuôn sang hlăm Êpul hgŭm anei, Khua lăn čar bi êdah ai tiê hơ̆k mơak ƀuh Êpul hgŭm Tân Minh Đức duh mkra mnia mblei mâo mnuih khua thŭn jing pô kiă kriê hŏng klei mbruă. Boh nik, Khua lăn čar bi myuôm Êpul hgŭm thâo ba yua hdră nga bruă dưi ba wĭt mnga truh 1 êklai 700 êklăk prăk/ha, lehanăn iêo jak leh lu mnuih mŭt hlăm êpul hgŭm. Mơ̆ng anăn, Khua lăn čar nao čuă lehanăn mđĭ ai, mđup brei mnơ̆ng kơ Anôk bruă kiă kriê mnuih khua thŭn lehanăn 15 čô mnuih khua thŭn kdlưn hĭn hlăm čar Hải Dương./.

Pô mblang: Y-Khem Niê