VOV4.Êđê- Aguah hruê 6/4, ti Tiền Giang, Khua lăn čar Nguyễn Xuân Phúc nao dlăng leh gru hmô bruă duh mkra mnia mblei mŏng Êpul hgŭm bruă pla boh gu ga Mỹ Tịnh An, kdriêk Chợ Gạo, sa gru hmô ngă bruă tŭ dưn kyua hdră bi hgŭm kjăp mŏng ƀĭng ngă lŏ hma, boh nik jing bruă hrui blei boh gu ga kơ mnuih hgŭm hlăm êpul mâo ênoh đĭ hĭn mkă hŏng wăl anôk mnia mblei, rơ̆ng mâo prăk mnga ƀiă êdi 3.000 prăk/kg wăt tơdah wăl anôk mnia mblei luič ênoh. Khua lăn čar bi mni Êpul hgŭm bruă Mỹ Tịnh An mâo gru hmô bruă duh mkra mnia mblei tŭ dưn, mkŏ mjing hdră pla mjing jăk, mđĭ kyar h’ĭt mnơ̆ng dhơ̆ng mâo ti alŭ wăl msĕ si boh gu ga, boh đung. Dŭm mta mnơ̆ng ba yua hdră mrâo, rơ̆ng hnơ̆ng tŭ jăk, mđing truh kơ bruă ba čhĭ kơ wăl anôk mnia mblei ala tač êngao. Khua lăn čar ăt mtă kơ Êpul hgŭm bruă Mỹ Tịnh An lŏ mđĭ hdră bi hgŭm, pŏk mlar hdră duh mkra pla mjing lu mta mnơ̆ng mkăn ti alŭ wăl, êngao kơ boh gu ga, mâo hdră hrui blei mnơ̆ng dhơ̆ng wăt hlăm lehanăn êngao ala čar./.

Pô mblang: H’Nêč Êñuôl