Khua lăn čar yap yuôm bhăn Êpul hgŭm bruă mnia mblei leh anăn tuh tia Việt Nam dưi bi jăk bruă klam mơ̆ng Đảng, knŭk kna jao hlăm 60 thŭn êgao, mtrŭt mđĭ êpul êya dŭm knơ̆ng bruă leh anăn phung mnia mblei Việt Nam đĭ hriê kơ mâo leh klei đĭ kyar ktang hŏng giăm 1 êklăk knơ̆ng bruă, êbeh 5 êklăk gŏ sang mnia mblei, giăm 30 êbâo êpul hgŭm bruă.

Mbĭt hŏng anăn, giăm 30 êbâo knơ̆ng bruă mâo ênoh prăk duh bi liê mơ̆ng ala tač êngao dôk ngă bruă ti Việt Nam, đru mguôp yuôm bhăn hlăm ai dưi mkra mjing, mnia mblei, mkŏ wĭt bruă duh mkra leh anăn mđĭ kyar bruă duh mkra Việt Nam.  Khua lăn čar mñă klă, Đảng leh anăn knŭk kna mâo nanao klei uêñ mĭn, sa ai, mkŏ mjing klei găl kơ klei đĭ kyar mơ̆ng phung mnia mblei, knơ̆ng bruă Việt Nam. Hlăm knăm anăn, Êpul hgŭm bruă mnia mblei leh anăn tuh ti Việt Nam ba mdah Êpul gơ̆ng knơ̆ng bruă mrô 1 Việt Nam mâo 21 čô hgŭm tal êlâo jing phung bi ala dŭm knơ̆ng bruă mrô 1 Việt Nam./.