Hlăm knăm bi hdơr, bi ala kơ khua gĭt gai Đảng, Knŭk kna, Khua lăn čar Võ Văn Thưởng mđup brei mêđai Hồ Chí Minh kơ bruă đảng, knŭk kna leh anăn mnuih ƀuôn sang čar Long An mâo leh ai tiê prŏng prĭn, êdah êdi hlăm bruă krŭ kdơ̆ng mơ̆ng Đảng leh anăn djuê ana. Blŭ hlăm knăm bi hdơr, bi ala kơ khua gĭt gai Đảng, Knŭk kna, Khua dhar bruă hâo hưn mtô mblang gưl dlông Nguyễn Trọng Nghĩa hơêč hmưi leh anăn bi mni kơ klei tŭ êdah kdlưn bruă Đảng leh anăn mnuih ƀuôn sang Long An gĭr ktưn dưi mâo hlăm wưng êgao.

Leh êdei dŭm hruê krŭ kdơ̆ng, mnuih ƀuôn sang Long An hgao djăp klei săn asei, dleh dlan, hŏng mnuih ƀuôn sang kluôm ala mblah dưi djăp klei bi blah, mjưh ruê̆ hŏng hdră bi blah Hồ Chí Minh hƀuê ênuk thŭn 1975, mtlaih êngiê kwar Dhŭng, hluh liê čar kwar, bi êdah hĭn knhuah gru djuê ana: jhŏng ktang, jih jang mnuih ƀuôn sang nao bi blah hŏng phung roh mơ̆ng bruă Đảng leh anăn mnuih ƀuôn sang Long An.