VOV4.Êđê- Ƀri gưl bi hdơr 68 thŭn hruê mblah dưi Điện Biên Phủ 7/5, hruê mbruê 18/5 ti ƀuôn prŏng Điện Biên Phủ, čar Điện Biên, Khua lăn čar Nguyễn Xuân Phúc nao hlăm knăm leh anăn ngă klei bhiăn mphŭn ba yua Sang bi hdơr kơ phung êngiă asei ti kdrăn mblah Điện Biên Phủ leh anăn pŏk ngă hdră bruă sang hơuh mđao, êđăp ênang ala ƀuôn.

Khua lăn čar Nguyễn Xuân Phúc bi hdơr leh anăn bi êdah klei hdơr knga hŏng khua gĭt gai Hồ Chí Minh, hdơr kơ Đại tướng Võ Nguyên Giáp, mbĭt anăn hdơr kơ ai tiê prŏng prĭn phung khua kahan, knuă druh, êdam êra ba anăp, phung ƀuôn sang kluôm ala jhŏng bi blah, săn asei, dưi mâo klei tŭ dưi Điện Biên Phủ kdrưh kơăm. Bi mklă Đảng, Knŭk kna mđing gĭt gai hlue ngă jăk hdră “Hdơr knga tla ai”, “mnăm êa hdơr kơ hnoh” hŏng klei bhiăn, hdră êlan, Khua lăn čar brei thâo, Hdră bruă Sang hdơr kơ phung êngă asei čiăng bi klin mngăt êwa phung jhŏng ktang êngiă asei ti Điện Biên, srăng jing anôk ngă klei bhiăn ai tiê, hdơr kơ phung săn leh asei, duh myơr klei hdĭp pô kơ čar kwar./.

                                               Pô mblang: H’Zawut Ƀuôn Yă