Khua lăn čar Võ Văn Thưởng nao hlăm knăm mphŭn ba yua anôk bruă anei.  Tinăn, K’iăng khua knơ̆ng kiă kriê sang mđung asăp blŭ Việt Nam Vũ Hải Quang brei thâo, Anôk mđung asăp blŭ Dhŭng kwar krah anei jing bruă lŏ mkŏ jih jang hdră êlan mđung asăp hlăm dŭm anôk phŭn mơ̆ng lăn čar, đru kơ sang mđung asăp blŭ Việt Nam bi leh bruă čuăn kđi čar mâo Đảng lehanăn knŭk kna jao.

Blŭ hrăm ti knăm anei, Khua lăn čar Võ Văn Thưởng hơêč hmưi kơ jih jang phung khua kiă kriê, mnuih ngă bruă Sang mđung asăp blŭ Đài Tiếng nói Việt Nam mphŭn ba yua sang ngă bruă anôk bruă mđung asăp blŭ Dhŭng kwar krah djŏ hlăm wưng bi hdơr 98 thŭn hrue bruă klei mrâo cách mạng, lŏ mñă klei anei jing yuôm bhăn êdi ba asăp blŭ mơ̆ng sang mđung asăp blŭ  Việt Nam luôm jih krĭng plao ksĭ, krĭng taih kbưi hlăm dŭ mboh čar Dhŭng kwar krah, đru ba klei blŭ mơ̆ng Đảng, mơ̆ng knŭk kna truh hŏng mnuih ƀuôn sang, dja ba dŭm klei mrâo yuôm bhăn kơ klei duh mkra, ala ƀuôn, boh nik kăp hưn kơ ya mta klei amâo mâo jăk mơ̆ng yan adiê hŏng mnuih trah mă kan hlăm êa ksĭ, lehanăn jih jang klei hâo hưn hŏng tač êngao mơ̆ng  Việt Nam hŏng dŭm ala čar.