VOV4.Êđê - Ti ƀuôn prŏng Việt Trì, bruă sang čư êa čar Phú Thọ mkŏ mjing leh knăm pŏk ngă hdră mkăp duh bi liê, mkŏ mkra sang dhar kreh čar Phú Thọ. Khua lăn čar Nguyễn Xuân Phúc nao hlăm knăm anei. Hdră mkăp anei mâo čar Phú Thọ mkŏ mkra ti alŭ wăl tač Hùng Vương kñăm mkŏ mjing gru kruăk hlăm klei mkŏ mkra leh anăn wăl ƀuôn prŏng Việt Trì.

Hdră mkŏ mkra anei mâo ênoh prăk duh bi liê giăm 400 êklai prăk, hlăm brô 1000 mdhô̆ dôk, mâo 3 tal sang, tal sang ƀăng nah gŭ, sa tal sang čuôr, mâo ênhă giăm 5.000 m², mĭn tĭng srăng bi leh ti thŭn 2023. Leh anăn anôk anei srăng jing anôk mkŏ mjing dŭm mta bruă răng mdah, kdŏ mmuñ dhar kreh, dŭm mta bruă dhar kreh mkăn, klei bi kƀĭn yang ƀuôn kơ bruă kđi čar, bruă duh mkra ala ƀuôn mkăn mơ̆ng mnuih ƀuôn sang, đru kơ bruă dhar kreh yang ƀuôn mơ̆ng mnuih ƀuôn sang leh anăn phung tuê.

Y-Ƀel pô mblang