VOV4.Êđê- Êlâo anăn, ăt ti ƀuôn prŏng Đà nẵng mơh, Khua lăn čar Nguyễn Xuân phúc, Khua Êpul Gơ̆ng bruă răng mgang ala čar, lehanăn răng mgang klei êđăp ênang nao čuă lehanăn ksiêm dlăng leh jih jang bruă mprăp mkăp kơ klei bi blah ƀri wưng Tết nguyên đán Nhâm Dần 2022, mơ̆ng Knơ̆ng gĭt gai kahan alŭ wăl 5. Mñă kahan alŭ wăl 5 jing alŭ wăl phŭn, mâo 11 boh čar ƀuôn prŏng hŏng 992km hang ksĭ, Khua lăn čar Nguyễn Xuân Phúc mtă kơ kahan alŭ wăl 5 nga jăk bruă kăp răng, mprăp ai tiê kơ klei bi blah êjai boh klei amâo mâo jăk, dleh dưi ksiêm dlăng hŏng bruă răng mgang lăn čar, răng mgang klei êđăp ênang ară anei. Khua lăn čar mtă kơ bruă Đảng, knơ̆ng khua kiă kriê lĭng kahan bi ksiêm dlăng, lŏ dơ̆ng ngă jăk hĭn bruă duh tết kơ lĭng kahan, gŏ êsei knŭk kna dlăng ba, mâo klei hdĭp dleh dlan hlăm alŭ wăl, boh nik hlăm alŭ wăl čư̆ čhiăng, knông lăn, plao ksĭ, ngă jăk hĭn bruă hdơr knga tla ai, bruă đru kơ nah tluôn hlăm lĭng kahan./.

Pô mblang: Y-Ƀel Êban