VOV4.Êđê- Mđing truh kơ klei bi hdơr 74 thŭn Hruê  Khua gĭt gai Hồ Chí Minh mâo Asăp iêô mthưr bi lông ktưn khăp kơ ala čar, 60 thŭn Hruê knhuah gru êpul lĭng kahan ksiêm, mmăt hruê 5/6, bi hdơr 111 thŭn hruê Awa Hồ duah êlan mtlaih ala čar, ti Sang dhar kreh mnuih mă bruă bi hgŭm Việt Xô (Hà Nội), Phŭn bruă kahan ksiêm mkŏ mjing Hdră kdŏ mmuiñ, mpŭ mni phung khua kahan ksiêm să êdah kdlưn “hdĭp hlăm ai tiê mnuih ƀuôn sang”.

Blŭ hrăm hlăm klei bi kƀĭn, Khua lăn čar Nguyễn Xuân Phúc bi mni kơ Bruă Đảng kahan ksiêm Gưl dlông, Phŭn bruă kahan ksiêm ngă leh jăk Hdră mtrŭn mơ̆ng Phŭn bruă kđi čar kơ bruă lŏ dơ̆ng mlih mrâo, mkŏ dăp phung mă bruă hlăm Phŭn bruă kahn ksiêm khuăt, mă bruă tŭ dưn, leh anăn Hdră mtrŭn mrô 42 mơ̆ng Knŭk kna kčah kơ bruă mkŏ mjing kahan ksiem să, wăl krah thơ̆ng kơ bruă. Hlue anăn, êpul kahan ksiêm dưi mkŏ mjing, ngă bruă hlue si 4 gưl, hŏng klei blŭ khuăt, mbruă, dlăng bruă ti anôk bruă nah gŭ, hlăm anăn bi leh bruă dăp phung kahan ksiêm thơ̆ng kơ bruă ngă Khua kahan să hlăm kluôm ala./.

                                               Pô mblang: H’Zawut Ƀuôn Yă