Khua lăn čar Võ Văn Thưởng nao lehanăn blŭ hrăm gĭt gai. Thŭn 2023 jing thŭn mâo lu boh tŭ yuôm, sa thŭn mâo lu hdră đru kčĕ, mkăp kơ hdră mă bruă mơ̆ng Khua lăn čar, K’iăng khua lăn čar pŏk hdră mă bruă hlăm ala čar lehanăn ala tač êngao gưl dlông.

Phung knuă druh, đảng viên, mnuih mă bruă ti Adŭ bruă Khua lăn čar mđing pŏk ngă bruă hluê klei gĭt gai lehanăn ktrâo lač mơ̆ng dŭm gưl, amâo mdei gĭr ktưn, hgao klei dleh dlan, mđĭ klei đua klam, bi leh jih bruă mâo kčah jao hlăm thŭn 2023. Blŭ ti anôk bi kƀĭn, Khua lăn čar Võ Văn Thưởng mtă hlăm thŭn 2024, Adŭ bruă Khua lăn čar brei ngă bruă hluê hdră: Hgŭm mguôp, djŏ klei bhiăn, pral kdal, hluê ngă jăk bruă klam mkăp kơ hdră mă bruă mơ̆ng Khua lăn čar lehanăn K’iăng khua lăn čar rơ̆ng kjăp pŏk rup jăk siam mơ̆ng ala čar drei./.