Klei bi lông bruă klei mrâo tal 17 mâo truh 1.894 klei mrâo ba bi lông. Hlăm ênoh truh 157 mŭt ti gưl knhal tuič, Êpul brei puăng bi lông hrŏng ruah mâo 8 klei pah mni ti ênoh A, 24 ti ênoh B, 46 ti ênoh C, 45 klei pah mni bi mđĭ ai. Jih jang klei bi lông dưi čih knăm kơ dŭm bruă kđi čar, bruă duh mkra ala ƀuôn, bruă răng mgang lăn čar, lehanăn djăp mta bruă kơ klei hdĭp mda ala ƀuôn, lač hĭn kơ dŭm bruă yuôm bhăn hlăm lăn čar thŭn 2022.

Blŭ hrăm ti knăm anei, Khua lăn čar Võ Văn Thưởng đăo knang kơ bruă klei mrâo srăng bi leh jăk bruă ba anăp hlăm dŭm bruă klei mĭn, dhar kreh Đảng, bi năng hŏng klei đăo knang, klei čang hmăng mơ̆ng Đảng, Nhà knŭk kna lehanăn mnuih ƀuôn sang, bi năng hŏng k’hưm lehanăn hŏng bruă klei mrâo dơ̆ng bŏ 100 thŭn./.