Ti knăm anei, Khua lăn čar bi mni Anôk bruă Mặt trận Việt Nam, Khua knơ̆ng êpul hgŭm mnuih mă bruă Việt Nam lehanăn Êpul gru bi kal hrah Việt Nam dŭm thŭn êgao bi hgŭm hŏng alŭ wăl, mâo klei mĭn mrâo kơ dŭm krĭng taih kbưi hlăm kluôm ala čiăng dưi mkŏ mjing hdră mđing dlăng kriê, đru kơ mnuih ƀuôn sang.

Ti knăm Têt khăp čiăng dưi mkŏ mjing ti să Thanh Thủy, kdriêk Thanh Chương, mâo lu anôk čhĭ mnơ̆ng Têt mkăp amâo liê prăk kơ mnuih ƀuôn sang. Êbeh 20 êklai prăk, 6 êbâ anôk tŭk knă mkiêt mkriêm pui, sa anôk tŭk knă êsei djam huă yang hruê kơ phung hđeh điêt, sa boh sang gru bi kal hrah mbĭt hŏng lu mta mnơ̆ng dưi jao kơ alŭ wăl, gŏ sang knŭk kna dlăng ba, gŏ sang ƀun, mnuih mă bruă dleh dlan. Mđup brei dŭm mnơ̆ng anei lehanăn m’ĭt asăp h’êč hmưi thŭn mrâo kơ mnuih ƀuôn sang, Khua lăn čar čang hmăng mnuih ƀuôn sang srăng ksŭl mbŭ knhuah gru dhar kreh jăk siam mơ̆ng djuê ana jing hgŭm mguôp, khăp čiăng, thâo đru hdơ̆ng găp, hrăm mbĭt mkŏ mkra klei hdĭp ƀrư̆ hruê đĭ kyar hĭn, boh nik Nghệ An srăng hnưm jing sa čar đĭ kyar amâo lŏ dôk gŏ êsei ƀun lehanăn giăm ƀun./.