VOV4.Êđê- Hlăm wưng dôk čhưn ti Japon nao ti knăm čang ênuh kơ ayang khua knŭk kna Japon êlâo dih Shinzo Abe, Khua knŭk kna Nguyễn Xuân Phúc mâo klei bi tuôm hŏng khua knŭk kna Japon kisida Fumio. Hŏng klei bi hgŭm, suôr tliêr lehanăn mâo klei bi đăo knang, dua khua gĭt gai bi êdah klei ư ai klei mđĭ kyar prŏng, kluôm ênŭm kjăp hĭn hlăm klei bi mguôp Việt Nam – Japon.

Lehanăn bi tŭ ư kơ hdră êlan prŏng kñăm mđĭ kyar bruă bi mguôp kluôm dhuôm, anăp truh kơ klei bi hdơr 50 thŭn klei mkŏ mjing mjĕ mgiăm hgŭm mbĭt dua ala čar ti thŭn 2023. Dua khua gĭt gai bi tŭ ư lŏ dơ̆ng hyuă kjăp hĭn klei bi mguôp hlăm bruă kđi čar, bi mjĕ êrô jêñ jêñ gưl dlông, mđĭ hĭn klei hgŭm bruă hŏng tač êngao, bruă răng mgang klei êđăp ênang, bruă lĭng kahan, bruă duh mkra hŏng klei tŭ dưn, bi hgŭm dhar kreh lehanăn bruă hiu čhưn ênguê./.

Pô mblang: Y-Khem Niê