VOV4.Êđê- Aguah mbrue (22/9), ti anôk bruă Khua lăn čar, Khua lăn čar Nguyễn Xuân Phúc bi tuôm hŏng phung bi ala hđeh kdlưn hĭn djăp djuê ana hlăm kluôm ala, bi ala kơ hđeh 54 djuê ana kluôm ala nao ti anôk bi lông phung hđeh kdlưn hĭn kluôm ala tal 4 mkŏ mjing hrue anei (23/9).

Ti anôk bi tuôm, Khua lăn čar lač, tui hriăm knhuah gru Hồ Chí Minh kơ klei bi mguôp djăp djuê ana, dlăng kriê phung hđeh, mâo Đảng, Knŭk kna lehanăn phung ƀuôn sang mđing nanao, yap jing bruă răng mgang, dlăng kriê, mjuăt bi hriăm phung hđeh, boh nik hđeh mnuih djuê ƀiă, čư̆ čhiăng, krĭng taih kbưi plao ksĭ hlue ngă jăk hdră êlan mă bruă bi mâo klei tŭ dưn, anei jing phung srăng kiă kriê lăn čar êdei anăp, kyuanăn yơh, Khua lăn čar čang hmăng kơ phung hđeh mâo klei kriăng hĭn hriăm mjuăt čiăng dưi jing mnuih tŭ dưn mâo djăp klei thâo, mjing atur kjăp kơ klei  mđĭ kyar êdei anăp./.

Pô mblang: Y-Khem Niê