VOV4.Êđê - Hlăm klei nao čhưn kơ ala čar Singapore, tlam mbrue (25/2) ti sang bruă kƀĭn ala Singapore, Khua lăn čar Nguyễn Xuân Phúc mâo leh klei bi blŭ hrăm hŏng khua bruă kƀĭn ala Singapore Tan Chuan-jin. Khua bruă kƀĭn ala Singapore hơ̆k mơak tŭ drông klei khua lăn čar Việt Nam hriê čhưn, lehanăn bi êdah boh tŭ dưn klei bi mguôp jăk siam dua nah mơ̆ng khua lăn čar Nguyễn Xuân Phúc hŏng khua mil čhil SIngapore Halimah Yakob, lehanăn khua knŭk kna Singapore Lý Hiển Long, lehanăn hơêč hmưi kơ Việt Nam kyua dŭm boh tŭ dưn mâo leh hlăm klei hgŭm duh mkr amnia mblei wưng leh êgao. Khua lăn čar Việt Nam bi myuôm lehanăn čăng hmăng mâo klei mđĭ hĭn bruă hgŭm kluôm dhuôm hŏng Singapore, čang hmăng kơ dua nah bi đru nanao hlăm djăp mta bruă, mơ̆ng bruă mdrơ̆ng hŏng klei ruă tưp, duh mkra mnia mblei, kơrŭ wĭt bruă knuă hlăm gưl mrâo, ngă djăp bruă hgŭm bi năng hŏng hdră êlan bi mguôp dua anah./.

Y-Khem pô mblang