VOV4.Êđê - Lŏ dơ̆ng dŭm mta bruă ti ƀuôn prŏng phŭn Tokyo, hruê mbruê 26/9, Khua lăn čar Nguyễn Xuân Phúc mâo leh klei bi tuôm hŏng khua gĭt gai Thượng viện Japon Otsuji Hidehisa, Khua lăn čar bi êdah klei ênguôt mơ̆ng phung khua gĭt gai Đảng, knŭk kna, bruă kƀĭn ala leh anăn mnuih ƀuôn sang Việt Nam hŏng Thượng viện Japon kơ klei Khua knŭk kna hđăp Abe Shinzo djiê leh.

Yap yuôm bhăn klei bi mguôp plah wah nghị viện 2 ala čar mâo klei đĭ kyar ktang hlăm dŭm thŭn giăm anei. Khua lăn čar Nguyễn Xuân Phúc lač, wưng êgao, klei bi mguôp hdră êlan kluôm ênŭm, klei mjĕ êrô, bi mguôp plah wah bruă kƀĭn ala 2 ala čar ƀrư̆ hruê ƀrư̆ kjăp, mâo boh tŭ dưn. Hluê anăn, Khua lăn čar hmăng hmưi 2 ala čar mđĭ hĭn klei bi mguôp, boh nik hlăm wưng bi hdơr 50 thŭn mkŏ mjing klei mjĕ giăm ti thŭn 2023.

Y-Ƀel pô mblang