VOV4.Êđê- Tlam mbruê 21/9, ti sang bruă Khua lăn čar, Khua lăn čar Nguyễn Xuân Phúc mâo leh mmông bi tuôm hŏng 45 čô pô bi ala jing phung Đảng viên, Phung mâo klei đăo knang bi ala kơ mnuih ƀuôn sang mơ̆ng êbeh 20 djuê ana mnuih djuê ƀiă ti čar Cao Bằng. Blŭ hlăm mmông mă bruă, Khua lăn čar mñă klă, anei jing dŭm mta kñăm mâo bruă klam yuôm bhăn hlăm bruă mkŏ mjing bruă kđi čar nah gŭ, rơ̆ng kjăp klei êđăp ênang, jing kdrông mkŏ plah wah bruă sang čư êa hŏng mnuih ƀuôn sang.

Hruê mmông kơ anăp, Khua lăn čar hmăng hmưi bruă Đảng čar, bruă sang čư êa leh anăn phung bi ala jing mnuih djuê ƀiă čar Cao Bằng lŏ dơ̆ng bi lar knhuah gru ƀuôn phŭn bruă krŭ kdơ̆ng, jing gru mngač, bi lar klei bi mguôp, klei gĭr ktưn hlăm klei hdĭp, đru mguôp hlăm bruă mkŏ mjing ala čar.

Pô mblang: Y-Ƀel Êban