VOV4.Êđê- Hruê mbruê 11/5, ti ƀuôn prŏng Hồ Chí Minh, Khua lăn čar Nguyễn Xuân Phúc hŏnbg Êpul bi ala bruă kƀĭn ala ƀuôn prŏng Hồ Chí Minh bi tuôm hŏng phung bi ala ƀuôn prŏng ti dŭm kdriêk Củ Chi, Hóc Môn, ƀuôn prŏng Thủ Đức hŏng hdră bi tuôm tlă anăp leh anăn online. Khua lăn čar Nguyễn Xuân Phúc bi mni kơ phung bi ala ƀuôn prŏng Hồ Chí Minh lač kơ lu mta bruă jih ai tiê hŏng klei đĭ kyar ƀuôn prŏng leh anăn kluôm ala. Hlăm klei bi kƀĭn, Khua lăn čar Nguyễn Xuân Phúc mtă kơ khua gĭt gai dŭm alŭ wăl leh anăn ƀuôn prŏng Hồ Chí Minh wĭt lač dŭm bruă phung bi ala lač, mbĭt anăn mâo hdră mă bruă êdei anăn čiăng wĭt lač klei phung bi ala bi klă klơ̆ng kơ klei adôk mâo.

Phung bi ala bi mni kơ phung bi ala bruă kƀĭn ala ƀuôn prŏng Hồ Chí Minh mâo leh lu bruă ngă klă klơ̆ng, mđing hmư̆ klei blŭ mguôp phung bi ala ƀuôn prŏng čiăng mprăp dŭm mta phŭn êlâo kơ klei bi kƀĭn tal 3 mơ̆ng Bruă kƀĭn ala gưl XV. Hŏng bruă prŏng mơ̆ng ala čar, phung bi ala bi êdah klei mđing dlăng kơ klei tŭ Klei bi kƀĭn Gưl dlông tal 5 gưl XIII, hlăm anăn mâo bruă kơ lăn ala, lŏ dơ̆ng mđdĭ ktang gang mkhư̆ klei ƀơ̆ng ngăn hlăm djăp anôk./.

                                               Pô mblang: H’Zawut Ƀuôn Yă