VOV4.Êđê- Hrue mbrue (12/5), Khua lăn čar Nguyễn Xuân Phúc lehanăn phung bi ala bruă kƀĭn ala ti êpul mrô 3 ƀuôn prŏng Hồ chí Minh bi tuôm leh hŏng phung ƀuôn sang ti dŭm kdriêk čar mrô 5 mrô 8 lehanăn mrô 11. Phung ƀuôn sang dŭm boh kdriêk čar anăn bi mni kơ dŭm klei gĭr mơ̆ng bruă Đảng, bruă sang čư̆ êa ƀuôn prŏng mâo ngă leh hlăm bruă mdrơ̆ng hŏng klei ruă tưp Covid 19, mâo dŭm hdră êlan đru kơ klei hdĭp mda ala ƀuôn, čiăng kơ phung ƀuôn sang hơĭt klei hdĭp mda.

Phung ƀuôn sang mnuih djuê ana Khêč, mnuih Čăm hlăm dŭm kdriêk čar brei thâo, wưng leh êgao, bruă sang čư̆ êa mâo leh lu hdră êlan jăk mđing truh kơ phung ƀuôn sang, msĕ si kơ anôk dôk, lehanăn mtrŭt anak aneh mnuih Khêč hriăm hră mơar... phung ƀuôn sang čang hmăng lŏ mâo lu sang hră mtô bi hriăm klei Khêč kơ anak aneh mnuih Khêč, mjing klei găl duh mĭn đru kơ phung ƀuôn sang Čăm, boh nik hŏng phung mniê, anak aneh digơ̆, lehanăn čang hmăng kơ phung bi ala bruă kƀĭn ala jing pô bi ala kơ mnuih Čam./.

Pô mblang: Y-Khem Niê