VOV4.Êđê- Hrue mbrue (10/10), ti anôk bruă khua lăn čar, Khua lăn čar Nguyễn Xuân Phúc bi tuôm leh hŏng phung khua kiă kriê bruă duh mkra knŭk kna jing phung kdlưn hĭn hlăk dôk duh mkra mnia mblei, lehanăn mkŏ mjing Đảng. Blŭ hrăm ti anôk bi tuôm, Khua lăn čar mñă, phung duh mkra găn bi dưi klei lông dlăng mđĭ kyar bruă duh mkra, hlue hdră êlan yang ƀuôn ngă phŭn êngiê.

Khua lăn čar mtă, kơ jih jang bruă Đảng hlăm phung duh mkra lŏ dơ̆ng bi kjăp jih jang hdră êlan kơ bruă mkŏ mjing Đảng, hlue ngă bruă hlăm anôk duh mkra bi djŏ guôp. Kơ dŭm mta bruă hlăm wưng kơ anăp, kiă kriê jih jang bruă knuă bi thâo dưn yua djăp mta kdrăp mrâo mrang, bi hriăm mbŏ phung knuă druh mnuih ngă bruă, bi djăp klei thâo, mkŏ mjing hdră êlan ngă bruă bi mâo klei bhiăn kjăp, mđĭ ai bi ktưn mơ̆ng Êpul grŭp, knơ̆ng bruă./.

Pô mblang: Y-Khem Niê