VOV4. Êđê -.Khua lăn čar Nguyễn Xuân Phúc mrâo mâo klei bi tuôm hŏng phung mă bruă êa pui, êwa čuh kdlưn hĭn hlăm klei bi lông, bi ktưn thâo mă bruă wưng thŭn 2017 - 2022. Khua lăn čar lač klă, 70 čô knuă druh, mnuih mă bruă êa pui, êwa čuh êdah êdi hlăm klei bi lông “Thâo mă bruă, mă bruă hŏng klei mbruă” jing boh tŭ mơ̆ng klei duh bi liê, mtô mjuăt bi hriăm, mđĭ kyar êpul knuă druh, mnuih mă bruă êa pui, êwa čuh mâo hnơ̆ng tŭ jăk djăp ênŭm hnơ̆ng čoh čuăn hlăm bruă klam mrâo.

Tui si Khua lăn čar, dŭm klei hmăng hmưi đru mguôp leh anăn mđĭ kyar mơ̆ng dŭm gưl phung knuă druh, phung mă bruă êa pui, êwa čuh jing klei bi êdah Dhar kreh êa pui, êwa čuh leh anăn jing mta kñăm mkŏ mjing klei đĭ kyar ktang. Khua lăn čar ăt mtă kơ dhar bruă êa pui, êwa čuh amâo mâo mdei klei mlih mrâo, đru mguôp čiăng rơ̆ng klei êđăp ênang êa pui, êwa čuh leh anăn čŏng pô kơ bruă anei ti anăp hnơ̆ng čoh čuăn đĭ kyar hlăm wưng mrâo.

Y-Bel pô mblang