VOV4.Ẻđê - Tlam mbrue, (27/5) Khua lăn čar Nguyễn Xuân Phúc drông čhưn leh Êpul mnuih Dhŭng Korea ti Việt Nam mâo aduôn Chang Eun Sook, Khua êpul hgŭm djă akŏ. Khua lăn čar Nguyễn Xuân Phúc mñă kơ klei bi mguôp jăk siam leh 30 thŭn Việt Nam – Dhŭng Korea mkŏ mjing klei mjĕ mgiăm lehanăn hlăk jing ƀĭng hgŭm yuôm bhăn. Dhŭng Korea jing ala čar duh bi liê prŏng hŏng Việt Nam, truh kơ 80 êklai dolar hlăm 9 êbâo mta bruă. Bi ti Dhŭng Korea ăt mâo hlăm brô 200 êbâo čô mnuih Việt Nam dôk hriăm lehanăn mă bruă hdĭp mda. Hŏng klei anăn, Khua lăn čar čang hmăng Êpul hgŭm mnuih Dhŭng Korea ti Việt Nam mâo lu hdră hĭn mtrŭt klei bi mguôp dua ala čar hlăm lu mta bruă./.

Y-Khem pô mblang